Кугыжаныш архивын у зданийжым почмо
Пайремла деч ончыч Юрий Зайцев Республикысе Кугыжаныш архивын у зданийжым почмаште лийын. Тений республикын кугыжаныш архивше 100 ияш лӱмгечыжым палемдыш. Лӱмгече идалыкыште тӧнежлан, тудын пашаеҥже- влаклан Марий Элысе историй да документ поянлыкым аралыше у заднийым чоҥен пытарымаш да оборудоватлымаш шергакан пӧлек лийын. Кум тӱжем квадрат метр кумдыкан, 250 тӱжем аралыме единицым шыҥдарыше тӧнежым республикын казнаже кӱшеш чоҥымо. Марий Элым вуйлатыше Кугыжаныш архивын пӧлемлажым ончен лектын. Тушто кум специализироватлыме аврхивохранилище верланен. Тиде - кокытшо кагаз документ- влаклан, иктыже- ончымо да колыштмо документ- влаклан. Тушто кусаркалаш лийше кӱртньӧ стеллаж- влак, газ дене тулым йӧртымӧ автомат система, южтарыме йӧнештарымаш- влак улыт. Архивыште пел миллион утла аралыме единице уло. Тушечын 30 тӱжемже- поснак шергакан. Шымытшым Республикысе архив фондын поснак ойыртемалтше документ- влакын кугыжаныш реестрышкыцшт пуртымо улыт.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
