Самырык хоккеист- влаклан хоккей экипировкым кучыктеныт
Теҥгече Звенигово ден Волжск олалаште Анатолий Тарасов лӱмеш самырык хоккеист- влакын Россий кӱкшытан «Шӧртньӧ шайба» таҥасымашыштын регионысо йыжыҥыштыже сеҥыше да призёржо- влаклан хоккей экипировкым кучыктеныт. Тений январьыште «Марий Эл» Ий полатыште 14-15 ияш рвезе-влакын командышт коклаште Российысе таҥасымашын кокымшо йыжыҥже эртен. Звенигово районысо Мочалище посёлко гыч «Ӱшӱт» команде кокымшо верым сеҥен налын. Тудлан хоккей экипировкым налаш 50 тӱжем теҥгелан сертификатым да клюшко комплектлан сертификатым пуымо. Волжск ола гыч «Ариада» (10-13 ияш) да «Илеть» (14-15 ияш рвезе- влак) команде- влак шке ийгот тӱшкаштышт республикысе таҥасымаште сеҥышыш лектыныт. Тидыже таҥасмыашым эртарыме историйыште икымше гана лийын. Кок командыжат 100 тӱжем теҥгелан хоккей экипировкым налаш да 61 тӱжем теҥгелан клюшко комплектым налаш сертификат дене палемдалтыныт.
