600 утла пуш ден катерым тергыме

Марий Элыште судным виктарыше- влак шотышто тӱрлӧ нарушенийлан тымарте 130 утла протоколым возымо. Идалык тӱҥалтыш гыч Изи судно шотышто кугыжаныш иснпекцийын пашаеҥже- влак изи судно дене пайдаланыме шотышто 144 рейд ден патрулированийым эртареныт. Тиде жапыште 600 утла пуш ден катер- влакым тергыме. Тыге шижтарымашым лукмо але штрафым тӱлыкташ 130 протоколым возымо. Чӱчкыдын судныш пассажирым шындыме, ийын коштмо да волтен кодымо годым тудлан лӱдыкшыдымылыкым ыштыдымаш, судным виктарышын правже, судовой билет ден пушлан документ  укелык вашлиялтеш. Тиддеч посна судно техосмотрым эртен огыл, пайдаланыме правил ок шукталт, нормо деч шукырак еҥ шындалтеш- тыгаят лиеда. ГИМС ушештара: кодшо ий гыч южо нарушенийлан штраф 7 пачаш кугемын да 5 гыч 20 тӱжем теҥге марте шуэш.

Прошлые выпуски