«Ужар фитнес» проект Советский посёлкышкат шуын
Советский посёлкат яра тренировкым эртарыме «Ужар фитнес» федерал проект деке ушнен. Тренировкым яндар южышто самырык- влакын рӱдерышт пелен тӱжвалне эртарат. Тымарте тазалыкым пеҥгыдемдыше куржталмаш да фитнес дене занятий- влак эртеныт. «Ужар фитнесын» тренировкыжо- влак «Спорт- илышын нормыжо» федерал проектын ужашыже лийыныт. Тудо элысе калыкын тазалыкшым пеҥгыдемдымашке да физический культуро деке кумылаҥдымашке виктаралтын. Тымарте «Ужар фитнес» тренировкым Йошкар-Олаште да Козьмодемьянскыште эртараш тӱҥалыныт ыле.
