Тӱвыра пашаеҥ- влак у сомылым тӱҥалыныт

Параньга районысо Ернур ялысе Тӱвыра Пӧртыштӧ пандемий дене кылдалтше ситуацийым шке семын виктарен колташ шонен пыштеныт. Молан манаш гын, тудо март годсек тӱшка тӱвыра мероприятий- влакым эртараш ок пу. Чолга еҥ- влак шке коллегыштым погеныт да воктелсе кундемым тыглай материал гыч шке ыштыме композиций дене сӧрастараш темленыт. Тӱвыра пашаеҥ- влакын тӱҥалтышышкышт верысе калыкат ушнен. Тунамак утен кодшо чоҥымо материалым, тошто шиным конденыт. Кӱчык жапыште шуко пачашан клумбым ыштен, чиялтен шынденыт. Тыгак шке киддене йоча площадкым сӧрастараш шонат: саварым уэмдаш, пеледыш шындыме вер- влакым ышташ да молат. Ернурышто ынде шке ыштыме таве, маска ден рывыжын фигуркышт калыкын кумылжым савырат.

Прошлые выпуски