«Марий- влакын Юл деч Урал марте караван корнышт» ончер почылтын

Йошкар-Оласе «Благовещений башня» тӱвыра –ончер рӱдерыште кодшо кечылаште «Марий- влакын Юл деч Урал марте караван корнышт» ончер почылтын. Экспозиций марий калыкын тӱвыраже да мифологийжын ойыртемже нерген каласкала. Ончерын тӱҥ образше да смысловой рӱдерже- тиде онапу шнуй пушеҥге. Тудо кум тӱҥ  кумдыкым ушен шога: пушеҥгын укшлаже кӱшыл тӱням, вургыжо кокла тӱням да вожшо ӱлыл тӱням ончыкта. Шнуй пушеҥгын кок могырыштыжо ӱдырамаш да пӧръеҥ кумдык верлана. Тушто калыкын тӱҥ сомылжо- влакым ончыктышо ӱзгар- влак улыт. Ончерыште тыгак олык, курык, эрвел марий- влакын вургемышт, ӱдырамаш да пӧръеҥ- влакын пашам ыштыме ӱзгарышт, «сӱрем пуч» дене шоктымаш ончыкталтеш. Тымарте тиде экспозицийым Ижевскыште, Саранскыште, Сыктывкарыште, Петрозаводскышто, Угарманыште, Чебоксарыште, Саратовышто да моло олаште илыше- влак ончен кертыныт. Ончерыш 18-ше август марте мияш лиеш. Экскурсийлан ончылгоч 34-75-32 телефон дене возалташ йон уло.

Прошлые выпуски