Эрла- боксын тӱнямбал кечыже

Боксын тӱнямбал кечыже 22-шо июльышто палемдалтеш. Тудо бокс дене кылым кучышо- влакын тӱҥ пайремышт. Боксын кечыже 204 элыште официально палемдалтеш. Пытартыш кум ийыште тиде кечым Москосо Йошкар площадьыште да моло оласе рӱдӧ площадьлаште палемдыме. Но тений эпидемиологий ситуацийлан кӧра, элыштына да тӱня мучко тиде кечым онлайн палемдаш кутырен келшыме. Тений тудо «Теҥгечысе деч виянрак» ӱжмаш дене эрта. Лач тудо пандемий жапыште чыла боксёрын девизышкыже савырнен. Марий Элын спорт федерацийжат флешмобыш да онлайн трансляцийыш ушна. Кече мучко Российысе бокс федерацийын лаштыкыштыже россий боксын кодшо ийысе эн сай таҥасымашыже- влакым ончаш, эн уста боксёр- влакын историйыштым пален налаш лиеш. Тӱрлӧ конкурс да модыш- влак эртаралтыт. Мучашлан концерт лиеш. Эфир 12 гыч 19 шагат марте пашам ышта. Тичмаш программыжым варарак ончыктат.

Прошлые выпуски