Самырык ешлан илыме верлан сертификатым пуымо
Мамаевмыт еш Шернур районышто илыме верлан сертификатым налын. Шернур муниципал округ администрацийыште самырык ешлан социал выплатым пуымо шотышто свидетельствым кучыктымо. Илыме йӧным саемдаш правам пуышо документым округым вуйлатыше Александр Кугергин кучыктен. Полыш мера «Россий федерацийын гражданже- влаклан йӧнан илыме верым ситарымаш» федерал программе кышкарыште шыҥдаралтеш. Налме оксам мужыр пелаш ямде пачерым але пӧртым налашат, посна пӧртым чоҥашат кучылт кертеш. Администрацийыште палемдат: самырык еш- влаклан полшымаш социал политикын кӱлешан паша корно улеш.
Фото vk.com/ser_adm12
Фото vk.com/ser_adm12
