Самырык футболист- влак Тӱнямбал фестивальыште сеҥыше лийыныт
Самырык футболист- влак Тӱнямбал фестивальыште сеҥыше лийыныт. Колымшо сентябрь марте Анапа олаште «Кугу шӱдыр- влак изилан волгалтарат» Тӱнямбал турнир эртен. Марий Эл гыч тушто Медведевысе «Витязь» клуб гыч йоча- влак лийыныт. Турнирышке тӱрлӧ ола гыч 48 команде миен. Таҥасымашке 2021-шо ийыште шочшо рвезе- влак ушненыт. Тӱшкан таҥасыме йыжыҥ деч вара чыла команде лӱмлӧ футболист- влакын созвездийышкышт шелалтыныт. Тыге ныл шӱдыр тӱшка да ныл сеҥыше лийын. Мемнан команде Горно-Алтайскын командыжым 4:0 счет дене, финалыште Бердск ола гыч командым 3:2 счёт дене сеҥен. Тыге «Витязь» Владимир Рыковын лӱман кубокшым сеҥен налын. Эн сай модшылан командын капитанже Максим Смирновым шотлымо.
Фото: Безформата.
Фото: Безформата.
