Самырык туныктышо- влаклан полшышаш улына, - каласен Юрий Зайцев
Самырык туныктышо- влаклан полшышаш улына,- каласен Юрий Зайцев. Теҥгече Марий Элым вуйлатышын пашажым шуктышо Юрий Зайцев туныктышо пашаеҥ- влакын Августысо конфеернцийыштышт лийын. Форум Медведевысе 4-ше номеран кыдалаш школышто эртен. Тиде тунемме тӧнежым кодшо идалык мучашыште «Туныктыш» калыкле проект кышкарыште чоҥымо. 825 йочалан келыштарыме школ икымше сентябрьыште почылтшаш. Туныктышо- влакым ситарыме, 30 классым чумырымо. У школым ыштыме дене посёлкышто кокымшо сменыште тунемше- влакын чотышт 454 еҥлан шагалемын. Конференцийым почмо деч ончыч Юрий Зайцевлан школым ончыктеныт. Тушто чапле шинчымашым налаш чыла йӧным ыштыме.
Конференций тӱҥалтышыште Республикым вуйлатышын пашажым шуктышо каласен: у тунемме ий тӱҥалме вашеш туныктымо сферым вияҥдыме корным рашемдыман. Республикын правительствыже «Точка роста» тунемме рӱдер- влакым, «Ай-Ти клублам, «Кванториум» йоча технопарк- влакым почаш, школлан компьютер техникым налаш полшаш тӱҥалеш. Шушаш ийын талантан йоча- влаклан полшышо регионысо рӱдерым ыштыме лиеш, тений школ- влак капитально олмыкталтыт. Лишыл ныл ийыште республикысе кажне кокымшо школым уэмдаш палемдыме. Самырык туныктышо- влак дене вашлияш шонымаш уло, манын Юрий Зайцев. Нуным тургыжландарыше йодыш- влакым пален налме шуэш. Нуно мемнан дене кодышт манын, нунылан полшаш кӱлеш. Кӱлешан задаче семын йоча- влаклан патриотизм шӱлышым шыҥдарымым шотлыман. Элым аралыше- влакын лӱмыштым шарнымашеш кодаш тыршыман.
Мучашлан Юрий Зайцев конференцийыш погынышо- влаклан сулен налме наградым кучыктен. Шым туныктышо «Марий Элысе туныктымо пашан сулло пашаенже» чап лӱм дене палемдалтын.
Фото: Марий Элым вуйлатышын организаций да аналитик виктемже.
Конференций тӱҥалтышыште Республикым вуйлатышын пашажым шуктышо каласен: у тунемме ий тӱҥалме вашеш туныктымо сферым вияҥдыме корным рашемдыман. Республикын правительствыже «Точка роста» тунемме рӱдер- влакым, «Ай-Ти клублам, «Кванториум» йоча технопарк- влакым почаш, школлан компьютер техникым налаш полшаш тӱҥалеш. Шушаш ийын талантан йоча- влаклан полшышо регионысо рӱдерым ыштыме лиеш, тений школ- влак капитально олмыкталтыт. Лишыл ныл ийыште республикысе кажне кокымшо школым уэмдаш палемдыме. Самырык туныктышо- влак дене вашлияш шонымаш уло, манын Юрий Зайцев. Нуным тургыжландарыше йодыш- влакым пален налме шуэш. Нуно мемнан дене кодышт манын, нунылан полшаш кӱлеш. Кӱлешан задаче семын йоча- влаклан патриотизм шӱлышым шыҥдарымым шотлыман. Элым аралыше- влакын лӱмыштым шарнымашеш кодаш тыршыман.
Мучашлан Юрий Зайцев конференцийыш погынышо- влаклан сулен налме наградым кучыктен. Шым туныктышо «Марий Элысе туныктымо пашан сулло пашаенже» чап лӱм дене палемдалтын.
Фото: Марий Элым вуйлатышын организаций да аналитик виктемже.
