Йочам икымше классыш колташ мыняр окса кӱлеш
Икымше сентябрьлан икымше классыш кайышаш йочам школлан ямдылаш мыняр окса кӱлешым Маристат шотлен лектын. Первоклассникын базовый наборышкыжо рвезе- влаклан 9 вургем ден йолчием пурат, ӱдырын- 11. Рвезын гардеробыштыжо 17 вургем, ӱдырын- 22. Рвезын кок мужыр йолаш, кум тувыр, ӱдырын кум блузко, кок тувыр да кок юбко лийшаш улыт. Спортлан посна костюм кӱлеш. Тиддеч посна наборыш кок футболко, вич мужыр носки але гольфо, кум мужыр колготко, тӱрлӧ сынан ик мужыр гыч йолчием пурат. Тунемме да канцеляр сату икгай улыт да шымытыш погынат. Вич тунемме книга, ныл тетрадь, вич карандаш да вич ручка, ик пачке фломастер, ик альбом, рюкзак але ранец. Рвезылан формо 15 тӱжем утла, ӱдырлан 19 тӱжем теҥге утлаш шуэш Ранец ден канцсатулан эше вич тӱжем утла кая. Тыге Марий Элыште рвезым школлан ямдылаш кокла шот дене 20 тӱжем утла теҥге, ӱдырлан 25 тӱжем утла теҥге кӱлеш,- увертара Маристат. Вургем ден канцелярий набор кодшо ийысе июль деч рвезылан 18 процентлан, ӱдырлан 13 процентлан шергырак лийын.
