Сенатор Сергей Мартынов Россий Конституцийыш пуртышаш тӧрлымашым каҥашыме нерген ойлен

Сенатор Сергей Мартынов Россий Конституцийыш пуртышаш тӧрлымашым каҥашыме нерген ойлен. Тений 22-шо апрельыште вашталтышым пуртымо шотышто уло калыкын йӱклымашыже эрта. Кызыт верлаште каҥашымаш- влак эртат. Российын Президентше Владимир Путин Федерал Собранийлан ойлымо посланийыштыже кызытсе тӱҥ законыш вашталтышым пурташ кӱлмӧ нерген ойлен ыле. Вашталтышым пуртымо шотышто решений калыкын йӱклымашыже почеш лукталтеш. Сенатор кызыт каҥашымашын кузе кайымыже нерген каласкален. Президент пашаче группым чумырен. Тушко Марий Эл деч представитель Константин Косачёват пура. Группын заседанийлаштыже регионлаште, мер организацийлаште каҥашыме тӧрлымаш- влак, эксперт- влакын каласыме шонымашышт лончылалтыт. Сергей Мартынов тидымат палемден: тымарте темлымаш- влакым мыняр- гынат иктешлыме. Нуным Конституцийыш вашталтышым пуртышаш пытартыш вариантыш темлыме лиеш. Вара нуным Кугыжаныш Думын комитетлаштыже лончылат, юридически келыштарат, вара Госдумышто кокымшо лудмаште ончаш тӱҥалыт.

Прошлые выпуски