«Дорога памяти» галерейым ышташ Марий Эл 73 тӱжем утла салтак нерген уверым колтен

Марий Эл гыч Рӱдӧ военный округын штабышкыже Кугу Ачамланде сарын участникше- влак нерген  73 тӱжем утла документым колтымо. Российысе оборона министерстве Кугу Ачамланде сарын участникше, оборона предприятийлаште тыршыше, Блокадан Ленинградыште илыше- влак нерген уверым поген радамлыме пашам шукта. Погымо чыла материал ден фотосӱрет- влакым Россий Вооруженный вийын «Патриот» военно- патриот паркшын кундемыштыже «Дорога памяти» историко- мемориал комплексын мультимедийный галерейжым ыштымаште кучылташ тӱналыт. Марий Элын сарзе комиссариатыштыжат республике гыч кугу сарыште лийше- влак нерген увер погалтеш. Кызыт штабышке 73 тӱжемат 47 участник нерген материалым да вич тӱжемат 454 фото сӱретым колтымо. Марий АССР гыч военный службыш 131 тӱжемат 340 еҥым налме улмаш. Увер базышке пурташлан ветеранын фотосӱретше, званийже, лӱм-нерже, шочмо ийже, верже, службыш налме дата, могай комиссариат гыч колтымо, ӱмыр лугыч лийме жапше да наградыже нерген увертарыман. «Дорога памяти» сайтыш лишыл еҥ- влак нерген уверым шкеат вераҥдаш лиеш.

Прошлые выпуски