Интеллектуал Олимпиадыштын финалже Марий Элыште лиеш
Юл кундем округысо школышто тунемше- влакын интеллектуал Олимпиадыштын финалже Марий Элыште лиеш. Тудо 12-13-шо мартыште эрта. 14 регион гыч 168 тунемше погынышаш. Нуно регионысо йыжыҥлаште сеҥыше улыт. Округысо йыжыҥыште ныл тӱрлӧ таҥасымаш лиеш: «Программирований», «Робототехнике», «Изобретатель задачым ыштымаш» да «Мо? Кушто? Кунам?» модмаш. Конкурс- влак калыкле президент школ- интернатыште да Юлтехыште эртат. 12-шо мартыште 18 шагатлан школ- интернатыште Интеллектуал Олимпиадым торжественно почмаш лиеш. Вес кечынже туштак иктешлаш да сеҥыше- влакым саламлаш тӱҥалыт.
