Республикым вуйлатыше «Марий Эл» ГТРК-ан» пашаже ден палыме лийын
Марий Элым вуйлатыше Александр Евстифеев регионысо СМИ редакцийлаште лийын. Кок вӱдышӧ редакций- Российысе кугыжаныш телерадиокомпанийын филиалже «Марий Эл» ГТРК» ден республикысе «Марийская правда» газет лӱмгечыштым палемдаш ямдылалтыт. Тений Марий телевиденийлан 60 ий темеш гын, рушла лекше тӱҥ газет шушаш ийын 100 ияш лӱмгечыжым палемда. Республикым вуйлатыше Александр Евстифеев нине тӧнеж- влакын редакцийышкышт миен. Тудо ГТРК-ан пӧртшым тӱжвал велым олмыктымо, налме у автомобиль- влак дене палыме лийын. Директорын сомылжым шуктышо Алексей Чермаков палемден: чыла тидыжым республикысе правительствын полшымыж дене шукташ лийын. Зданий ынде тӱжвал могырым волгалтаралтеш, чыла окнам вашталтыме, ий кылмыме деч аралыше системым ыштыме, энергийым аныклыме йӧным шыҥдарыме. Тыге кӧргӧ велымат, тӱжвачынат кӱкшӧ технологиян вещательный комплекс лийын. Александр Евстифеев уэмдыме студийлам ончен, увер материал- влакым ямдылыме паша дене палыме лийын. Кодшо ийын студий- влакым уэмдыме, тӱрлӧ йылме дене лекше передаче- влаклан у декорацийым ямдылыме. Планыште лӱмлӧ журналист да мер пашаеҥ, ГТРК-ан ончычсо директоржо Владимир Оленёвлан шарнымаш оҥам вераҥдаш палемдыме. Тудо чырык курым утла тиде коллективым вуйлатен. Александр Евстифеев ГТРК-ште лийше кугу вашталтышым палемден. «Марийская правда» газет редакцийыште Республикым вуйлатыше савыктышын историйже дене палыме лийын. Тӱҥ редактор Сергей Дружинин редакцийын тачысе кечыже, планже нерген каласкален. Александр Евстифеев коллективым шке пашажлан ӱшанле улмыжлан, профессионализм ден талантше, лудшо- влаклан чын уверым намиен шуктымыжлан тауштен ойлен да у сеҥымаш- влакым тыланен.
