Икымше модельный книгагудо У Торъялыште лиеш

Республикыштына тений у типан икымше модельный книгагудо У Торъял посёлкышто почылтеш. Тӱвыра тӧнежым «Культура» калыкле проект кышкарыште уэмдыме лиеш. Книгагудо тиде пашалан 10 миллион теҥге федерал оксам налеш. Верысе калык дене ме у технике дене пойдарыме, йӧнан условийыште лудаш да шинчымашым пойдараш йӧн лиймылан пеш куанена, - каласен тӱвыра министр. Тушто пӧлем- влакым ачалат, мебельым, офис техникым налыт, фондым пойдарат, муниципал кучем леведышым олмыкташ полша. Уэмдыме книгагудо шке омсажым тений икымше октябрьлан почшаш. Тудо мер да тӱвыра площадкыш савырнышаш. Тудым кеч-могай жапыште кинозалыш, мини-галерейыш, концерт залыш, мастер-классым, виш урокым, лекцийым, усталык мастерскойым эртарыме верыш савыраш лиеш. Тӱҥ функцийжымат арален кода, илышын йодмыжо почеш у полыш- влакымат темла. «Тӱвыра» калыкле проект Российысе книгагудо- влакым вияҥдымаште у йыжыҥым ышташ йӧнымат, оксамат пуа.

Прошлые выпуски