Марий Элыште ДТП чотым шагалемдаш тыршат
Марий Элыште ДТП-н чотшым шагалемдаш мера- влак ышталтыт. Марий Эл Правительство председательын икымше алмаштышыже Александр Сальников корнышто лӱдыкшыдымылыкым ыштыме шотышто правительстве комиссийын заседанийжым эртарен. Тушто профилактике мероприятийлам эртарыме да корно туткарлан кӧра колымашым шагалемдыме нерген ойлымо. Тыгак калыкле проект- влакын палемдыме кӱкшытыш шумо да ончыкылык план нерген мутланыме. Александр Сальников вуйын шогышо- влаклан корно правилым торжан пудыртымо ваштареш пашам виктарен колташ кӱштен. Поснак калыкым да грузым шупшыктышо транспорт шотышто профилактикылан кугу тӱткышым ойырыман, Икымше пелийын лектышыже почеш лӱдыкшӧ грузым да автобус дене калыкым шупшыктымо ик виктарыше рӱдерым ышташ оксам ойырымо шотышто йодыш ончалтеш. Йолешке вончем- влакым йоча- влакын коштмо «Мӧҥгӧ- Школ- Мӧҥгӧ» калыкле стандарт дене келшышым ыштыме сомыл умбакыже шуйна,- иктешлен Александр Сальников.
