Шернур да У Торъял округлан депутат- влак погынымашыштын икымше организационный сесийышт эртен.
Марий Эл Правительстве вуйлатышын икымше алмаштышыже Евгений Курмаев Марий Эл Кугыжаныш Погыным вуйлатыше Михаил Васютин дене пырля Шернур да У Торъял округлан икымше созыв депутат- влак погынымашыштын икымше организационный сесийлаштышт участвоватленыт. Евгений Курмаев муниципал депутат- влак ончылно саламлыме шомакым ойлен. Верысе самоуправленийым ыштыме ик уровенян системыш куснымаш верысе орган- влаклан полномочийыштым пайдалын шукташ, кӱлешан йодыш- влакым виктарен колтымаште бюрократий чаракым шагалемдаш полша. Тичмаш налмаште тиде кундемлам икшырымын вияҥдымашке да калыкын илышыжым саемдымашке конда,-каласен правительстве вуйлатышын икымше алмаштышыже.
Шернур муниципал округышто депутат- влак погынымашын вуйлатышыжлан Валентина Таникеевам, округым вуйлатышын пашажым шуктышылан Александр Кугергиным сайлыме. У Торъял муниципал округышто депутат- влак погынымашым Евгений Небогатиков вуйлата, округым вуйлатышын пашажым шуктышылан Денис Таныгиным палемдыме.
Евгений Курмаев ден Михаил Васютин «Шернур сырзаводыш» миеныт да Дубники ялыште Ачамландым аралыше- влакым чапландарыше мемориал деке пеледыш аршашым пыштеныт..
Фото: Марий Эл правительствын официальный сайтше.
Шернур муниципал округышто депутат- влак погынымашын вуйлатышыжлан Валентина Таникеевам, округым вуйлатышын пашажым шуктышылан Александр Кугергиным сайлыме. У Торъял муниципал округышто депутат- влак погынымашым Евгений Небогатиков вуйлата, округым вуйлатышын пашажым шуктышылан Денис Таныгиным палемдыме.
Евгений Курмаев ден Михаил Васютин «Шернур сырзаводыш» миеныт да Дубники ялыште Ачамландым аралыше- влакым чапландарыше мемориал деке пеледыш аршашым пыштеныт..
Фото: Марий Эл правительствын официальный сайтше.
