Шернур районышто «Йыван Кырла лудмаш» шанче-практик конференций лиеш
Шернур районышто «Йыван Кырла лудмаш» шанче-практик конференций лиеш. Марий Солаште 14-ше апрельын Республике кӱкшытан «Йыван Кырла лудмаш: Марий кундемым социотӱвыра велым вияҥдымаште этнический фактор» 8-ше шанче-практик конференций погына. Тушто Марий кундемын историйыштыже пӱсын шогышо йодыш- влакым, этносын вияҥмаштыже йылмын рольжо, республикысе калык- влакын сылнымутышт дене кылдалтше йодыш- влакым каҥашаш палемдыме. Шанче-практик мероприятий 14 апрельыште 10 шагатлан Марисола школышто тӱҥалеш. Конференцийым почмо деч ончыч Купсола ялыште Йыван Кырлалан чапкӱ воктеке пеледыш аршашым пыштат. Йыван Кырла лудмаш кок ийлан ик гана эртаралтеш.
Фото: МарНИИЯЛИ.
Фото: МарНИИЯЛИ.
