Шкетан лӱмеш марий драма театрым уэш ойго авалтен

Шкетан лӱмеш марий драма театрым уэш ойго авалтен
              Шкетан лӱмеш марий драма театрым уэш ойго авалтен. Эртыше шуматкечын Марий АССР-ын сулло артистше Юрий Алексеевын шӱмжӧ кырымым чарнен. Тудо 77 ийыш тошкалын ыле. Сулен налме канышыште лийын гынат, тудо спектакльлаште модын, пытартыш жапыште эрыкан артист лийын. Ӱжмӧ почеш кок марий театрынат сценыштышт образым чоҥен. 40 ияш улмыжо годым Марий АССР-ын суло артистше лӱмым налын, кок ий гыч Марий Самырык театрын директоржо, вара Курчак театрын директоржо, Марий Эл Правительствыште тӱвыра да сымыктыш йодыш дене консультантлан ыштен, фильмлаштат войзалтын. Юрий Алексеев дене чеверласымаш эрла 21-ше октябрьыште лу шагатлан Шкетан театр ончылно эрта.
          Фото: «Шаблий» киностудий.

Прошлые выпуски