Школ-интернатыште тул пижыман амалжым рашемдат

Школ-интернатыште тул пижыман амалжым рашемдат
          Увертарыме ыле: теҥгече Семёновкысо школ интернатыште леведышыже да кумшо пачашыже йӱлен. Кечывал деч вара пижше тул 500 квадрат метр кумдыкым авалтен. Тул ваштареш кучедалше- влак 76 еҥым- 38 йочам да 38 кугыеҥым эвакуироватленыт. Газодымозащитын 7 звеножо, 66 еҥ, 19 технике тыршеныт. Колышо да эмганыше уке. Конструкций- влакым рончен, чыла вӱд дене нӧртен лектыныт, дознаватель да шымлыше пожар лабораторий пашам ыштен. Тул пижыман амалжым рашемдат. Йоча- влакым вес школыш кусарыме ыле. Нуным ача-авашт мӧҥгышкышт наҥгаеныт. Ынде нуно дистанций формат дене тунемаш тӱҥалыт.
          Фото: МЧС виктем.

Прошлые выпуски