Шошо пасу паша ӱмашсе деч писынрак кая

Россий ял озанлык министр элышытына шошо ага паша пелыже наре шукталтын манын увертара. Тудо эн кӱлешан ял озанлык да кочкыш сатум ситарымым эскерыме шотышто оперативный штабын погынымашыжым эртарен. Видеоконференцийышке республикысе ял озанлык министр Александр Гречихо да министерствын пашаеҥже-влак ушненыт. Дмитрий Патрушевын мутшо почеш агропромышленный комплексын кӱрылтде пашам ыштымыже нерген Росий кӱкшытан погынымашлаште эреак тӱткын эскерат, чыла лекше йодышым каҥашен шогат. Посна субъектлаште инфекций ваштареш виктаралтше пашам вияҥдаш кӱлмӧ нерген ойлалтеш, кадрым ситарыме шотышто йодышымат эре ончыл верыште кучыман. 12-ше майлан регионлашке ял озанлык шӧрынлан 28 миллиард теҥге кугыжаныш полышым колтымо. Тиде чумыр лимитын 22 процентше. Шошо пасу паша тений умасше деч писынрак кая. Удымо пашашке 68 субъект лектын.

Прошлые выпуски