Николай Иванович Мухин илыш дене чеверласен

Николай Иванович Мухин илыш дене чеверласен
                Теҥгече Марий радио ден Марий телевиденийын ончычсо дикторжо 80 ийыш тошкалше Николай Иванович Мухин илыш дене чеверласен. Николай Ивановичым 1971-ше ийыште марий радиош дикторлан конкурс почеш ойырен налыныт. Тудын уста пашажым ужын, вес ийынже 1972-шо ийыште Марий телевиденийыш ӱжыныт. Тушто тудо диктор  паша дене пырля корреспондент да тӱрло жанран передаче- влакым вӱдышӧ семын чапланен, уло республикылан палыме лийын. Москошто квалфикацийым нӧлтымӧ курсышто Рӱдӧ телевиденийын кумдан палыме дикторжо Игорь Леонидович Кириллов дене тунемын.
                1975-ше ий марте телевиденийыште пашам ыштымеке Николай Иванович Профсоюз пашашке куснен. Вара коммерций сферыште тыршен. 2003-шо ий гыч 2017-ше ий марте Республикысе профушем- влак  председательын алмаштышыжлан ыштен.
                Тиде жапыштак Марий радиошто «Профсоюзные вести» передачым 2015-ше ий марте ямдылен да шкеак вӱден. Тудын поро кумылжо, мастарлыкше, ӱшанле улмыжо, калык дене йӧратен пашам ыштымыже тудым палыше да пагалыше-влакын шумешышт курымешлан кодеш. Николай Иванович мухин дене чеверласымаш эрла Йошкар-Оласе Больничный уремеш верланыше моргышто 11 шагатлан лиеш.
            Фото: Марий Эл Республикын профушемже- влак.

Прошлые выпуски