Курык марий кундем гыч увер- влак

Курык марий кундем гыч увер- влак
            Республикыштына Курык марий округышто  «Виловат- Усола- Паратмар- Юаньсир» корным олмыктымо. Пашам «Илашлан инфраструктура» калыкле проект почеш ныл меҥгат 500 метр кужытышто ыштыме. Подряд организаций тошто шартышым кораҥден, у асфальтым шарен, вӱд пуч- влакым олмыктен, борт кӱм вашталтен, корно тӱрым тыгыде кӱ дене пенгыдемден да корно разметкым ыштен. Калыкле проектым шындарыме жапыште Курык марий округышто 135 меҥге кужыт регион кӱкшытан корным норматив дене келшышым ыштыме,- палемдат транспорт министерствыште.
               Курык марий округышто Изи Сӧрмӓнӓнгӹр ял деке корным чоҥат. Округым вуйлатышын пашажым шуктышо Сергей Першуткин объектым эре контрольышто куча. Чоҥымо ужашын кужытшо кум меҥге утла. Тудым 2028-ше ийлан чоҥен пытарышаш улыт. Трассе Виловат ден кузнецово (Пӹзӹкнӹр) илемлам ушышаш. Ме умылена: чапле корно моло яллаштат кӱлеш. Ончылно кугу паша вуча, а у проект- влакым йон лийме семын планыш пурташ тӱҥалына. Изи Сӧрмӓнӓнгӹр ял деке корным чоҥымаш деке кугу тӱкыш ойыралтеш,- каласен Сергей Першуткин.
            Кырык сирыште Пайскырык школым капитально олмыктат. Тений тушто кок зданийым ачалат. Пашам шушаш ийын августлан мучашлышаш улыт. Кызыт объектыште вес йыжыҥ- влаклан чолган ямдылалтмаш кая. Тӱҥалтыш школын зданийжылан пластик окна- влакым кондымо. Кыдалаш да кугурак класслан корпусышто рончымо да куштырам корандыме паша кая. У тунемме ий тӱҥалтышлан кок зданийыштыже чоҥымо пашам, тӱжвал отделкым, отмосткым ыштыме, леведышым ачалыме пашам  ыштен шуктышаш улыт. Тиддеч посна ырыктыме, вӱдым ситарыме, канализаций системым вашталтат, электрооборудований ден волгалтарыше системым уэмдат, пожар сигнализаций ден оролышо системым шындат. Тыгак коляске дене коштшо- влаклан пандусым ыштат.- увертара округын администрацийже.
                 Фото: Курык марий округын администрацийже.

Прошлые выпуски