Шушаш ийын Марий Эл Запоржский областьлан 120 миллион утла теҥге оксам ойыра
Шушаш ийын Марий Эл шефыш налме Запоржский областьлан калык озанлыкым уэш нӧлталаш 120 миллион утла теҥге оксам ойыра. Тений да шушаш 2024-ше 2025-ше ий- влаклан Российысе кундем- влаклан пеҥгыдемден пуымо ДНР, ЛНР, Херсон да Запорожье обастьласе объект- влакым олмыктымо пашам шуктышаш планым Россий Правительстве вуйлатышын алмаштышыже Марат Хуснуллинын эртарыме совещанийыште каҥашыме. Видеоконференц кыл йӧн дене эртыше совещанийыште Марий Элым вуйлатыше Юрий Зайцев участвоватлен. Кызыт Марий Эл Запорожье областьысе Куйбышев районлан полшен шога. Тенийлан 11 мероприятийым шукташ 150 миллион теҥгем ойыраш палемдыме. Аварийно- олмыктымо паша план почеш палемдыме 9 мероприятий гыч 6-шым тӱрыс шуктымо: кум школышто, кок йоча садыште да ик эмлыме верыште. Кызыт эше вӱдым ситарыме кум объектыште паша шукталтеш. Шеф полыш кышкарыште аварий да олмыктышо бригаде кок социал объектын да кок шуко пачеран пӧртын леведышышт олмыкталтеш. Шыже-теле жаплан коммунал инфраструктурын объектлажым ямдылыме. Тиддеч посна республикысе тӧнеж- влак гуманитар полышым пуэныт: автоклубым, оргтехникым, литературым да книгагудылан формулярым, учебникым, оргтехникым да интерактив доска- влакым пуымо. Шушаш ийын пашам умбакыже шуйымо лиеш. 17 меропритяийым илышыш шыҥдараш палемдыме. Тиде пашалан 125 миллион теҥгем палемдыме. Эше 130 миллионым 2025-ше ийыште ойыраш лийме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
