«Йоҥга Чавайнын сылнымут» конкурсыш 258 лудшо ушнен
«Йоҥга Чавайнын сылнымут» конкурсыш 258 лудшо ушнен. Чавайн лӱмеш калыкле книгагудышто конкурсын сеҥышыже- влаклан наградым кучыктымо. Конкурс марий сылнымутын классикше Сергей Чавайнын шочмыжлан 135 ий теммылан пӧлеклалтын. Организатор- влакын палемдымышт почеш мероприятий моткоч кугушко савырнен. Марий Эл, Башкортостан, Татарстан, Киров область гыч 258 еҥ ӱчашаш кумылжым ончыктен. 14 ияш марте йоча- влак категорийышке 152 йодмаш пурен, 15 гыч 35 ияш марте самырык- влак деч 44 йодмаш лийын, 36 ий гыч кугурак- влак тӱшкаште 62 кумылан еҥ лийын. Эн изи лудшыжо ныл ияш лийын гын, эн кугу ийготанже- 75 ияш. Чавайнын почеламутшым лудаш йоча садыш коштшо да район администраций вуйлатыше- влакат кумылаҥыныт.
Конкурсын Гран-прижым Йошкар-Оласе Андре Мальро лӱмеш 26-шо гимназийын тунемшыже Елена Сибова налын. 14 ияш марте категорийыште икымше верым Морко районысо Шереганово школын тунемшыже Мария Николаевалан пуымо. 15 гыч 35 ияш марте категорийыште Моркысо икымше номеран школышто тунемше Ксения Дмитриева сеҥышыш лектын. 36 ий деч кугурак- влак коклаште Параньга районысо Олор гыч Маргарита Очеева эн сай лийын. Жюри палемден: сеҥыше- влак кокла гыч утларакше Морко район гыч улыт. Таклан огыл, очыни, марий сылнымутын классикше Сергей Чавайн лач Морко районышто шочын.
Фото: Чавайн лӱмеш калыкле книгагудо.
Конкурсын Гран-прижым Йошкар-Оласе Андре Мальро лӱмеш 26-шо гимназийын тунемшыже Елена Сибова налын. 14 ияш марте категорийыште икымше верым Морко районысо Шереганово школын тунемшыже Мария Николаевалан пуымо. 15 гыч 35 ияш марте категорийыште Моркысо икымше номеран школышто тунемше Ксения Дмитриева сеҥышыш лектын. 36 ий деч кугурак- влак коклаште Параньга районысо Олор гыч Маргарита Очеева эн сай лийын. Жюри палемден: сеҥыше- влак кокла гыч утларакше Морко район гыч улыт. Таклан огыл, очыни, марий сылнымутын классикше Сергей Чавайн лач Морко районышто шочын.
Фото: Чавайн лӱмеш калыкле книгагудо.
