Шушаш ийын Йошкар-Олаште кум уремым олмыктат
Шушаш ийын Йошкар-Олаште калыкле проект почеш кум уремым олмыкташ палемдыме. Тидлан электрон аукцион- влакым увертарыме. Олмыктымо паша «Лӱдыкшыдымӧ да сай качестван автомобиль корно- влак» калыкле проектын «Корно сеть» регионысо проектше кышкарыште шукталташ тӱҥалеш. 2021-ше ийыште норматив марте Панфилов уремын, Эшкинин, Водопроводный уремлан ужашышт шукталтшаш улыт. Нунылан 43, 23 да 54 миллион теҥге утла окса кучылталтшаш. Тушто асфальтын ӱмбал ужашыжым нӱжен налыт, бордюр кӱым вашталтат, вынем- влакым пужен ыштат. Тротуар- влакым, газоным шотыш кондат, разметкым ыштат. Пашам 15-ше апрельыште тӱҥалаш да икымше августлан мучашлаш палемдыме.
