Шушаш ийын Йошкар-Олаште могай кумдык- влакым тӱзландарышаш пале лийын
Шушаш, 2026-шо ийын Йошкар-Олаште могай кумдык- влакым тӱзландарышаш нерген пале лийын. Общественный комиссий кумдыклам ойырен налме налме шотышто йӱклымашын лектышыжым пеҥгыдемден. «Йошкар-Ола» ола округым вуйлатыше Лев Покровский социал вотлаште ушештарен: рейтинг йӱклымаш 21-ше апрель гыч 12-шо июнь марте эртен. Погымо йӱкым шотыш налын сеҥыше- влак рашемыныт. Тиде: Строитель уремын кумшо пӧртшӧ деч тӱналын Прохоров урем марте нечётный могыржо. Тиде проектлан куд тӱжемат 365 еҥ йӱкшым пуэн. Кокымшо верыште Воин- Интернационалист- влак уремын 26-шо А пӧртшӧ деч тӱҥалын Ураев бульварысе 9-ше А пӧрт марте кумдык. Тиде кумдыклан ныл тӱжемат 563 еҥ йӱклен. Кумшо кумдыкшо –Воскресенский проспектын йолешке зоныжо. Тиде верым кум тӱжемат 840 еҥ тӧрлыктынеже. Лев Покровский рашемшен: окса аныклалт кодеш гын, сеҥыше- влак радамыш спискыште ӱлнырак шогышо кумдык- влак пурталтыт.
Фото: Павел Стариков
Фото: Павел Стариков
