Шыжымсе призыв икымше ноябрь гыч тӱҥалын

              Тений армий радамыш шыжымсе призыв икымше ноябрь гыч тӱҥалын. Икымше тӱшка рвезе- влак службо верыш ноябрь кыдалне кайышаш улыт. Частичный мобилизацийлан кӧра тений призыв ик тылзылан варарак тӱҥалын, но шке жапыштыже- 31-ше декабрьыште мучашлалтеш.. Призыв жапыште республикысе призыв комиссий, районласе 14 призыв комиссий да кум оласе комиссий пашам ыштат. Сарзе комиссар Юрий Аксёновын мутшо почеш Вооруженный вий радамыш 18 гыч 27 ияш марте 700 рвезым налшаш улыт. Нуным Донецк, Луганск республикылаш, Запорожский ден Херсон область кундемлаш огыт колто, спецальный сарзе операцийыште участвоватлаш огыт тӱҥал,- каласен сарзе комиссар. Тений ик еҥ альтернативный службым ойырен налын. Тудо 18 тылзе служитла, молыжо -12 тылзе, а контракт почеш 24 тылзе служитлат. Рвезе- влак Касвел военный округын воин частлашкыже колталтыт. Тиде Моско да Ленинград областьла лийыт.
Фото: MariMedia.

Прошлые выпуски