Служба верыш икымше тӱшка самырык салтак- влакым ужатыме

             Йошкар-Ола гыч служба верыш икымше тӱшка самырык салтак- влакым ужатыме. 40 еҥ Россий Вооруженный Вий радамыште срочный службым наҥгаяш тӱналеш. Нунылан сугынь мутым Республикысе Правительстве председательын алмаштышыже Степан Воронцов, Военно-морской флотын республикысе «Флагман» ветеран- влакын мер ушемыштым вуйлатыше Валерий Коржавин ден протоиерей Александр Бачурин ойленыт. Калининградыш кайышаш рвезе- влаклан военнослужащий- шамыч командир шагатым кучыктеныт. Идалык мучаш марте Марий Эл гыч 700 наре рвезе салтак радамыш шогалшаш. Нуно специальный сарзе операцийыште участвоватлаш огыт тӱҥал.
             Фото: Марий Элым вуйлатышын организаций да аналитик виктемже.

Прошлые выпуски