Марий Кугыжаныш университет шкенжын 50 ияш лӱмгечыжым палемдыш

            Кодшо кугарнян Марий Кугыжаныш университет шкенжын 50 ияш лӱмгечыжым палемдыш. Тиде событий дене вузым вуйлатыше, туныктышо да студент- влакым Марий Элым вуйлатыше Юрий Зайцев саламлен да палемден: пел курымышто университет вияҥме кужу корным эртен. Кызыт МарГУ ончыл, шанче да у разработко- влакым ыштыше ончылно кайыше тӧнеж. Кызыт тиде кӱшыл школышто элысе 65 регион да 45 йотэл гыч 100 специальность дене лу тӱжем утла студент тунемеш. Тиддеч посна вуз «Приоритет-2030» полышым пуышо федерал программын участникше улеш. Юрий Зайцев университет умбакыжат вияҥаш да пеледаш тӱҥалеш манын ӱшаным каласен да пашаеҥ- влаклан сулен налме наградым кучыктен. Биохимий кафедрын профессоржо Виктор Самарцев «Марий Элысе туныктышын сулло пашаеҥже» лӱм дене палемдалтын гын, кок еҥ Правительствын Чап грамотыжым налын, Республикым вуйлатышын тауштымашыжым вич еҥлан увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски