Студент- влак «Профессионалы» чемпионатын иктешлыше йыжыҥыштыже 12 наградым налыныт
Марий Эл гыч студент- влак «Профессионалы» чемпионатын иктешлыше йыжыҥыштыже ик той медальым да «Прфессионализмлан» 11 медальоным налыныт. Республике гыч профессионал тунемме тӧнежлаште шинчымашым погышо 37 ӱдыр-рвезе 37 компетенций дене таҥасеныт. Нуно элысе 18 регионышто да Марий Элыштат эртыше таҥасымашлаште участвоватленыт. Той медальым Марий радиомеханический техникумын студентше Данил Атлашкин «Оптоэлектроника» компетенций дене сеҥен налын.- увертара туныктыш министерстве. «Профессионализмлан» медальоным 11 еҥлан пуымо. Нуно Кермычым оптымаш, Чодыра паша мастер, Банк паша, Ландшафт дизайн, Парикмахер сымыктыш, Бухгалтер учет, Пилотдымо юж судным виктарымаш, промышленный механике да монтаж да моло компетенийлаште мастарлыкым ончыктеныт.
Фото: Туныктыш министерстве.
Фото: Туныктыш министерстве.
