Йошкар-Олаште бокс дене турнир тӱҥалын

Йошкар-Олаште бокс дене турнир тӱҥалын
              Юрий зайцев ден Олег Саитов салтак порысым шуктымо годым вуйым пыштыше воин- влакым шарныме лӱмеш бокс дене турнирым почыныт. Йошкар-Олаште лӱмын эртарыме сар операцийын Марий Элысе ветеранже-влак Ассоциацийын бокс ден турниржылан торжественно тӱҥалтышым пуымо. Тиде таҥасымаш Юл кундем федерал округ гыч 13 гыч 20 ияш марте самырык спортсмен- влакым чумырен.
              Марий Элым вуйлатыше Юрий Зайцев турнирым почшыла палемден: участник- влакым патырлык, пеҥгыдылык да сеҥаш тыршымаш ушен шога. Нине качестве спортсмен- влакланат, военнослужащий- влакланат келшен толеш. Турнирын Сеҥымаш кече вашеш почылтмыжат символ шотан. Тыште,мемнан шуко тӱрлӧ калыкан республикыш,  федерал округын икмыняр республике ден областьлан еҥышт погыненыт. Бокс- тиде спортын индивидуальный видше, но те кажныда- командын еҥже, Мемнан Россий элнан командыжын еҥже улыда. Тендан деч кугурак ийготан шуко боецна СВО- кундемыште Ачамландынам аралат. Нунат кажныже шкаланже шке мутым куча, но нунат командын еҥже улыт. Тидыже эн шеракан,- палемден республикым вуйлатыше.                Тиде турнир ондак «Йӱдвел Кавказыште службо порысым шуктымо годым вуйым пыштыше воин- влаклан пӧлеклалтше бокс дене йӱлаш савырныше таҥасымаш» маналтын. Тудо «Боевое братство» мер организацийын полшымо дене 12-шо гана эртаралтын. Тений тудым почмашке кок гана олимпий чемпион,  бокс дене тӱнян да европын чемпионжо, марий тукым гыч лекше Олег Саитов толын. Церемонийыште тыгак Кугыжаныш Думын депутатше Александр Борисов лийын. 
             СВО-н Республикысе ветеранже- влакын ассоциацийыштым вуйлатыше Роман Возняк погынышо- влаклан каласен: те боксым- лӱддымыӧ да шуаралтше рвезе-влакын спортыштым- ойырен налында. Тыгай еҥ- влакын, кудышт кызыт Владимир Путинын шындыме задаче- влакым чаплын шуктат. Теат, шочмо элна ӱжеш гын, тудым аралаш ямде лийшаш улыда,- каласен Роман Возняк.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски