Марий легендын геройжо- влак пуышто илаш тӱналыт
Марий легендын геройжо- влак пуышто илаш тӱналыт. «Марий калыкын легендыже» пу скульптурын Россий кӱкшытан кумшо фестиваль-конкурсшо Йошкар-Олаште 30-шо июль гыч 7-ше август марте эрта. Уста еҥ- влаклан марий эпос гыч шке геройым ойырен налаш темлат. Спискыште шукын улыт: пытартыш марий князь Адай, патыр князь- влак: Акмазик, Акпарс, Алман, Алтыбай, Урса, Яшман, тыгак Алым-патыр, Вувер, Вурсватыр, Сибатыр да Тойватыр, Долгоза, Ивук, Йӱкталче, Йыланда, Канай, Кронуш, Маршан Мелекш, Ош Пондаш, Парнякай, Пинерешке, Пегеней, Полтыш, Таргылтыш, Тӱкан Шур, Тӱрек Султан кугыза, Турни, Сарманай, Унавий, Юанай да Пампалче. 22-шо май марте пу гыч пӱчкедыше- влак деч йодмаш налалтеш. Эн сай эскиз- влакым конкурсыш ушнаш ойырен налмаш 22-шо гыч 30-шо май марте эртаралтеш.
Фото: Йошкар-Ола мэрий (архив).
Фото: Йошкар-Ола мэрий (архив).
