Тений республикыштына калыкле проект- влакым шыҥдараш 11 миллиардат 200 миллион теҥгем колтат
Тений республикыштына калыкле проект- влакым шыҥдараш 11 миллиардат 200 миллион теҥгем колтат. Марий Элыште 12 калыкле проектыш пурышо 40 регионысо проектым шыҥдараш тӱналме. Мероприятий- влакым шуктымо план нерген Республикым вуйлатыше Юрий Зайцевлан промышленность, экономически вияҥмаш да торговля министр Владимир Халюзин увертарен. Мутлан, Йошкар-Олаште йоча поликлиникым, Козьмодемьянскыште вӱдым ситарыме объектым, Немда ден Ексейка эҥер гоч кок кӱварым чоҥаш, тӱзландарыме кум проектым Волжскышто, Звениговышто, Козьмодемьянскыште шыҥдараш палемдыме. Тиддеч посна 9 школым, Волжск ден Марий Турекыште кок йоча садым, Килемар районышто ялысе тӱвыра пӧртым капитально олмыкташ, 42 тӱшка кумдыкым тӱзландараш, 72 меҥге автомобиль корным олмыкташ палемдыме. У калыкле проект кышкарыште чоҥымо да транспорт отрасльлан кок туныктымо да производство кластерым ышташ, 12 медицина организацийым оборудований дене пойдараш, Козьмодемьянскыште моделян книгагудым ышташ планыш пуртымо. Марий Элым вуйлатыше пашам шуктымо жапым да качествым эскерен шогаш кӱштен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
