Марий сӱретче- влакым славян тӱвырам арален кодымашке пыштыме надырлан тауштеныт
Марий сӱретче- влакым славян тӱвырам арален кодымашке пыштыме надырлан тауштеныт. Калык келшымаш пӧртыштӧ тӱс сымыктышын «Шӧртньӧ Витязь» 16-шо славян форумжын лауреатше- влакым наградитленыт. Форумын президентше Николай Бурляев чыла участник- влаклан славян тӱвыран йӱлажым арален кодымашке пыштыме надырыштлан таум каласен. Тудо палемден: сымыктыш историй шарнымашым арален кодымаште да тӱвыра поянлыкым ыштымаште куатле ӱзгар улеш. Наградым марий сӱретче- влак Иван Ямбердов, Андрей Санников, Сергей Алдушкин, Валерий Чеботкин ден Евгений Яранов налыныт. Ушештарена: тиде кечылаште Йошкар-Олаште «Золотой Витязь» Тӱнямбал кинофорум эрта. Тудын программыштыже кином ончыктымаш, усталык вашлиймаш, концерт, йыргешке ӱстел- влак эртат.
Фото: Тӱвыра министерстве.
Фото: Тӱвыра министерстве.
