Йошкар-Олаште йоча- влаклан турист клуб почылтын

Йошкар-Олаште йоча- влаклан турист клуб почылтын
             Йошкар-Олаште йоча- влаклан турист клуб почылтын. 9-ше А микрорайонышто «Лидер» йоча каныш рӱдер пашам ышташ тӱҥалын. Тиде тӧнеж Оласе «Азимут» рӱдерын подразделенийжылан шотлалтеш да Васильев уремысе кумшо пӧртыштӧ верлана. Тудым почмаште ола мэрын алмаштышыже Людмила Новосёлова, туныктыш виктемым вуйлатыше Альберт Чакичев лийыныт. «Азимутын» директоржо Ольга Роженцован палемдымыже семын, пӧлемлам кок ий ямдылыме. Зданийым олмыктымо, видеоэскерыме да оролымо системым вераҥдыме. У кумдык туризм да краеведений аланыште ешартыш шинчымашым налаш виктаралтын. Клубышто йоча- влакым спорт ориентированийын, карте дене пашам ыштыме да маршрутым ямдылыме негызлан туныкташ тӱҥалыт. Программе- влакым тӱрлӧ ийготан- шамычлан келыштарыме.
            Фото vk.com/azimutyola

Прошлые выпуски