Кугыжаныш молодёжный премийым налше- влакын лӱмышт пале лийын

                         Марий Элым вуйлатыше Александр Евстифеев 2019-ше 2020-шо ий- влаклан Кугыжаныш молодёжный премийым пуымо шотышто Указым пеҥгыдемден. Премийым икмыняр категорийыште пуымо: Олык Ипай лӱмеш сылнымут, сымыктыш да архитектура аланыште, шанче, технике да производствышто, социал кӱлешан да мер пашаште. Олык Ипай лӱмеш премийым Палантай лӱмеш тӱвыра да сымыктыш колледжын туныктышыжо, «Чинчывий» кӱслезе- влак ансамбльым вуйлатыше Марина Завойских, «Марий Эл Радион» коллективше: Владимир Матвеев, Владимир Аптуллаев, Жанна Фёдорова, «Йыван Кырла. Путёвка в жизнь» спектакльын режиссёр-постановщикше Степан Пектеев, поэт, «Ончыко» журналын тӱҥ редакторжо Игорь Попов, Йошкар-Оласе  художественный училищын туныктышыжо Анна Санникова налыныт.                           Тыгак  «Шанче» аланыште Евсеев лӱмеш калыкле тоштерын кугурак шанче пашаеҥже Надежа Васкановам, Шернур сырзаводын пашаеҥже- влак Алексей Токтаров ден Алина Антоновам да молымат палемдаш лиеш.

Прошлые выпуски