Моркысо йоча поликлинике у тӱсым налеш
Моркысо йоча поликлинике у тӱсым налеш. Тазалыкаралтыш министерствын, первичный медицина полышым пуышо организаций- влак рӱдерын еҥышт Морко рӱдӧ эмлыме верыш миеныт да йоча поликлиникын кызытсе жапыште пашам ышташ ямде улмыжым тергеныт. Тений республикысе чыла йоча поликлинике «Тазалыкаралтыш» калыкле проектым шыҥдарыме кышкарыште медицина организацийын у модельжым шарымаште участвоватлат да базовый кӱкшытыш лекшаш улыт. Чыла поликлиникыште ямдылалтме пашалан республикын бюджетше гыч 30 миллион теҥгем ойырымо. Тушечын 24 миллионжо- йоча поликлинике- влакым олмыкташ. Морко йоча эмлыме вер тиде пашалан ик миллион утла теҥге оксам налын. Поликлиникыште олмыктымо пашам ыштыме да оборудованийым налме. Эмлыме верым вуйлатыше- влак тыгак «Газпромтрансгаз Нижний Новгород» ушем деч спонсор полышым йодыныт. Тыге нуно эше 170 тӱжем теҥгем налыныт да икмыняр оборудований дене пойдаралтыныт. Тушто тыгак регистратурат вашталтын. Тушко шуко уым пуртымо. Идалык мучаш марте медицина организацийын у модельжылан келшен толшо лияш базовый кӱкшытыш шуаш да 17 кртитерий дене келшен толаш улшо ситыдымаш- влакым кораҥдышаш улыт.
