Колым йоҥылыш кучен

             Килемар районышто илыше еҥ браконьерство дене кучалтын. Юл эҥерыште рейд мероприятийым эртарыме годым транспорт полицийын сотрудникше- влак Килемар районысо 52 ияш пӧръеҥым кученыт. Чуваш линейный пӧлкан пресс-службыжын увертарымыж почеш пӧръеҥ чарыме йӧн дене колым кучен. Тудо корсакам але курежым да тул волгыдым, пуэн овартыман пушым  кучылтын. Тыге 13 колым: ловалым, шереҥгым, нужголым, каракам, шемголым, олаҥгым кучен. Кондымо эҥгекше шым тӱжемат 750 теҥгеш аклалтын. Уголовный пашам тарватыме. Тудым кок ий марте эрык деч посна коден кертыт. Кодшо тылзын Чуваш линейный пӧлка колым кучымылан 7 браконьерым мут кучаш шогалтен. Тӱшка эҥгекше 51 тӱжемат 750 теҥгеш шуын. Нунын колым кучымо ныл корсакаштым да ныл ваптышыштым поген налме.

Прошлые выпуски