«Абилимпикс» чемпионатыш ушнышо- влаклан таҥасаш Москош кайыме ок кӱл
«Абилимпикс» чемпионатыш ушнышо- влаклан таҥасаш Москош кайыме ок кӱл. Инвалид да начар тазалыкан- влакын профессионал мастарлыкыштым ончыктымо «Абилимпикс» 6-шо калыкле чемпионатышт 23-шо гыч 29-ше ноябрь марте эрта. Тудо икымше гана очно-дистанционный формат дене лиеш. Тушко элысе 83 кундем гыч кок тӱжем наре еҥ ушна. Нуно 77 специальность дене кум категорийыште таҥасаш тӱҥалыт: школьник, студент да специалист- влак. Москошто улшо тӱҥ эксперт- влак таҥасымашым онлайн эскераш да аклаш тӱҥалыт. Марий Эл гыч 26 участник 21 компетенций дене мастарлыкшым ончыкта. Нуно очно ныл площадкыште таҥасат, но ончышо- влак деч посна.
