Ир янлык- влакым орымо чер ваштареш умбакыже вакцинироватлат
Республикыште ир янлык- влакым орымо чер ваштареш умбакыже вакцинироватлат. Вольыкын орымо чержылан профилактикым ыштыме кышкарыште республикысе кугыжаныш ветеринар служба шылым кочшо ир янлык да шала коштшо животный- влаклан иммунизацийым ышта. Кызыт республикыш «Рабистав» вакцинын черетан тӱшкаже толын. Ветеринар службын специалистше- влак егерь да сонарзе- влак дене пырля сонарлыме верын тора луклаштыже, заповедниклаште 50 тӱжем дозо вакцинан ондалчык кочкышым оптен лекташ палемденыт. Янлыкын тудым кочмекыже вакцина вигак ышташ тӱҥалеш. Ондалчык кочкыш пушыжо дене янлык- влаклан пеш келша. Тыгай вакцинаций черым шарымашым ятырлан шагалемда. Тыгеже сурт вольыкланат шагалрак пижеш. 12-шо ноябрьлан шотлымаште прфилактикым шке жапыштыже ыштымлан кӧра ик орымо черым гына рашемдыме, -увертара ветеринарий комитет.
