Тӱвыра министерствыште Калык- влакын пашашт шотышто Советын заседанийже лийын
Марий Элын тӱвыра министерствыштыже Калык- влакын пашашт шотышто Советын заседанийже лийын. Тӱвыра министр Константин Ивановын мутшо почеш тений республикыштына «2013-шо 2025-ше ий- влаклан Марий Элын Кугыжаныш Калыкле политикыже» кугыжаныш программыже кышкарыште 13 проект ден коммерцийдыме организацийлан 11 мероприятийышт шыҥдаралтеш. Шушаш ийлан кугыжаныш программым шыҥдарымашке ушнаш йодмаш икымше ноябрь марте налалтеш. Калыкле-тӱвыра мер ушем- влак коммерцийдыме организаций-влаклан полшаш федерал бюджет гыч субсидийым налаш Элысе калык- влакын шочмо йылмыштым арален кодымо да шымлыме Фондын, граждан обществым вияҥдыме шотышто президент грант фондын, калык- влакын пашашт шотышто федерал агентствын проектыштым ойырен налме конкурсыш ӱшанлын ушнен кертыт. Министр ушештарен: Россий правительстве председатель Михаил Мишустин Калык- влакын келшымаш пӧртыштым чоҥаш Марий Элым вуйлатышын тӱҥалтышыжым поддережатлен. Объектым тений шошым чоҥаш тӱҥалме. Чоҥымаш жап деч ончыч шукталтеш, кызыт кумшо пачашым нӧлтат. Тудым вес ий мучашлан ыштен шуктышаш улыт. Погынышо- влак тыгак тений вийым налше миграций законодательствыште лийше вашталтышым каҥашеныт.
Тувыра министерствын пресс-службыжын фотожо.
Тувыра министерствын пресс-службыжын фотожо.
