Таче- Туныктышын тӱнямбал кечыже

             Таче туныктышын кечыже палемдалтеш. Педагогике пашаште тыршыше да ветеран- влакым профессионал пайремышт дене Республикым вуйлатыше Александр Евстифеев саламла. Кажне айдемын илышыштыже туныктышын рольжым аклен пытараш лийдыме. Лач туныктышо ятыр ий мучко тӱҥ полышкалыше да виктарыше улеш, улан туныкта, шке вийлан ӱшанаш да илыш корным ойырен налаш полша. Марий Элыште вич тӱжем наре педагог тырша. Нунын кокла гыч шукыжо пашашке шӱмжӧ йодмо почеш толын. Санденак республикысе школлаште сай кумыл озалана: тунемше- влак туныктышыштым да йолташыштым пагалат, тунем пытарымекат школыш толын каяш тыршат. Республикыште туныктымо инфраструктурым вияҥдымаште кугу паша шукталтеш: у школ да тунемме корпус- влак чоҥалтыт, шанче вияҥеш, у методике- влак кучылталтыт, но кеч-могай у технологият туныктышым вашталтен ок керт. Те самырык тукымым шуарен куштымаште эн кӱлешан верым налыда. Марий Элысе туныктымо качество ончыкта: мемнан дене профессионал- влак пашам ыштат. Тау поро кумылланда да пашадам йӧратымылан. Чылалан сеҥымашым, профессионал кушмашым, пеҥгыде тазалыкым, пиалым да улан илышым тыланем,- ойлалтеш республикым вуйлатышын саламлымашыштыже.

Прошлые выпуски