Сар-куралым оксала сдатлаш ӱжыт

              Республикысе калыкым оксала сар-куралым сдатлаш ӱжыт. Росгвардий виктемын сотрудникше- влак МВД-н пашаеҥже- влак дене пырля калыкын документ деч посна аралыме лӱйкалыме оружийым, пудашталт кертше веществам, боеприпасым оксала налыт. Мутлан, изи калибран патронлан 6 теҥгем пуат гын, пистолетлан куд тӱжем теҥге марте налаш лиеш. Шке кумылын сдатлыме годым мутым кучаш огыт шогалте. Тений 9 тылзе жапыште республикысе калык 18 оружийым сдатлен. Нунын коклаште шыма йытыран оружий да газ пистолет, тӱжемат 900 утла патрон лийыныт. Тыге тений 17 еҥ сдатлыме сар-кураллан 55 тӱжем теҥге наре оксам налын.

Прошлые выпуски