Таче туныктышо- влакым чапландарыме
Таче туныктыш министерствын залыштыже Туныктышын тӱнямбал кечыжлан пӧлеклалтше республике кӱкшытан мероприятий лийын. Тушто Правительство председательын икымше алмаштышыже Михаил Васютин, туныктыш министр Наталья Адамова, верысе самоуправений вуйлатыше да туныктымо тӧнежлам вуйлатыше- влак погыненыт. Погынымаште эн сай туныктышо- влакын лӱмыштым каласыме, «Республикысе образованийын сулло пашаеҥже» чап лӱмым, Правительствын Чап кагазшым кучыктымо, Республикым вуйлатышын тауштымашыжым увертарыме. Эн сай туныктышо- влаклан премийым пуымшо шотышто конкурсын лектышыже почеш вич еҥ конкурсышто сеҥышын дипломжым налын. Математикым, физикым да информатикым туныктышо 14 еҥ ПС СОФТ Ай-Ти компаний Ассоциацийын лӱман премийжым налын.
Туныктышын тӱнямбал кечыже ик эн палыме да йӧратыме профессионал пайрем. Марий Элыште вич тӱжемат 81 туныктышо пашам ышта. Кодшо ий дечын тений 41 еҥлан шукырак ышташ тӱҥалыныт. Специальность дене ончымаште туныктышо- влак коклаште эн шукыжо руш йылме ден литературылан да шочмо йылмылан туныктышо- влак улыт. Тидыжат- тудыжат 597 еҥ гыч. Йот йылмым 535 еҥ туныкта, физике ден математикым 474 еҥ гыч вӱдат. Историй, экономике, право да обществознаний дене 315 еҥ шинчымашым пуа, биологийым 158, химийым 135, географийым 96, информатике ден ИКТ-м 93 еҥ туныкта.
Туныктышын тӱнямбал кечыже ик эн палыме да йӧратыме профессионал пайрем. Марий Элыште вич тӱжемат 81 туныктышо пашам ышта. Кодшо ий дечын тений 41 еҥлан шукырак ышташ тӱҥалыныт. Специальность дене ончымаште туныктышо- влак коклаште эн шукыжо руш йылме ден литературылан да шочмо йылмылан туныктышо- влак улыт. Тидыжат- тудыжат 597 еҥ гыч. Йот йылмым 535 еҥ туныкта, физике ден математикым 474 еҥ гыч вӱдат. Историй, экономике, право да обществознаний дене 315 еҥ шинчымашым пуа, биологийым 158, химийым 135, географийым 96, информатике ден ИКТ-м 93 еҥ туныкта.
