Таче- Ачамландын Геройжо-влакын кечышт

                      Таче Ачамландын Геройжо-влакын кечышт палемдалтеш. Тиде пайрем дене республикысе калыкым Марий Элым вуйлатыше Александр Евстифеев саламла. Тудо палемден:  историйыште ятыр сеҥымаш ден подвиг уло, Нуным элысе пашаеҥ ден военнослужащий- влак ыштеныт. Нуно Росийым вияҥдымашке кугу надырым пыштеныт да эн кӱкшӧ Кугыжаныш наградым сулен налыныт. Тиде шарнымашан кечын ме марий мландым чпландарыше герой- влакын лӱмыштым кугешнен шарналтена. Александр Евстифеев ешарен:  сӧй пасушто кредалше, элым вияҥдымаште да илышын чыла шӧрынжым чапландарымаште тыршыше- влак нерген шарнымашым арален кодымаш кажне еҥын шнуй порысыжо. Лач тыгай еҥ- влак самырык тукымлан пример лийшаш улыт. Тений Кугу Сеҥымашлан 75 ий теммым палемдена. Тенийсе ий Шарнымаш да Чап идалык семын эрта. Тиде пайрем ушештара: уло калыкын да ветеран- влакын подвигышт нерген шарнымашым арален кодымаш моткоч кӱлешан улеш. Республикым  вуйлатыше сарыште лийше- влаклан поснак кугу таум каласен. Тудо палемден: кызыт республикысе шуко еҥ военнослужащий- влакын подвигыштым кӱшкӧ шында. Александр Евстифеев чылалан тазалыкым, пиалым, сай илышым тылана.

Прошлые выпуски