Утарыше- влакым саламленыт

Утарыше- влакым саламленыт
Теҥгече Эрик Сапаев лӱмеш опера да балет театрыште Российысе утарышын кечыжлан пӧлеклалтше торжественный погынымаш эртен. Тиде патырле профессийын еҥже- влакым пайрем дене Республикым вуйлатыше Александр Евстифеев саламлен. Спасательын кечыже- 27-ше декабрьыште лиеш. Тендан куштылго огыл службыда республикысе калыкын авторитет ден пагалымашыжым сулен налын. Те ончылныда шогышо задачым чаткан шуктеда, вучыдымо ситуаций годым эн ончыч полшаш миеда, лӱддымылыкым да патырлыкым ончыктен, еҥын илышыже верч кучедалыда, - каласен Александр Евстифеев. Аварийно- утарыше да пожар ваштареш кучедалше службышто тӱжемат 768 еҥ тырша, кажне кечын службышко 320 утла еҥ шогалеш. Тений гына 400 утла аварийно-утарыме операцийым эртарыме, 450 утла еҥым утарыме да полышым пуымо. Пожарный да доброволец- влакын полшымышт дене тӱжемат 700 пожарым йӧртымӧ, 600 миллион теҥгеаш погым арален кодымо. Погынышо калыкым пайрем дене саламлымеке, ойыртемалтше утарыше- влаклан наградым кучыктымо.

Прошлые выпуски