Таче ырыктыме тургымым тӱҥалме дене кылдалтше «шокшо линий» почылтын
Таче Йошкар-Оласе калыклан ырыктыме тургымым тӱҥалме дене кылдалтше «шокшо линий» почылтын. Тачак оласе пӧртлашке шокшым пуаш тӱҥалыныт. Ресурсым ситарыше организаций- влак шокшым пуаш ямде улыт. А виктарыше компаний- влак кажне пӧртыштӧ шокшым пуышо системым тӧрлышаш улыт ыле. Олам ырыктымаш- кугу инженер системе. Тудым ик кнопкым темдалын гына виктараш ок лий. Системым обслуживатлымашке шӱдӧ дене еҥым ушымо. Адакшым шокшым чыла зданийышкат иканаште огыт пу, тиде паша икмыняр жапым йодеш,- умылтара мэрийын пресс-службыжо. Тачысе кече гыч оласе калык шокшым пуымо дене кылдалтше йодышым 60-03-32 номеран телефон дене рашемден кертеш.
Фото: Мэрийын пресс-службыжо.
Фото: Мэрийын пресс-службыжо.
