Йӱшӧ вуя кудалыштше пӧръеҥын автомобильжым суд поген налын

              Йӱшӧ вуя кудалыштше пӧръеҥын автомобильжым суд поген налын. Тымарте йӱшӧ вуя автомобильым  виктарымылан административно мут кучаш шогалтыме  41 ияш пӧръеҥ тений июльышто адак руль воктеке йӱшӧ вуя шинчын. Тудым ДПС пашаеҥ- влак Медведево районышто шогалтеныт. Тергымаш йӱшӧ улмыжым пеҥгыдемден ончыктен,- увертара республикысе прокуратурын пресс-службыжо. Медведево районысо суд тиде кечылаште пӧръеҥлан приговорым луктын. Тудо 200 шагатым ӧкым пашам ыштышаш, кок ийлан транспортым виктарыме дене кылдалтше пашам ышташ чаралтеш. Тиддеч посна тудын виктарыме автомобильым уголовный кодексын статьяже дене келшышын поген налме. Приговор эше вийым налын огыл.

Прошлые выпуски